![](https://mle7m2jb94ox.i.optimole.com/w:1024/h:768/q:mauto/f:best/ig:avif/https://www.prefektidurres.gov.al/wp-content/uploads/2020/02/7e838d2d-b5f4-4b63-8b10-109e2eeccf77.jpg)
![](https://mle7m2jb94ox.i.optimole.com/w:1024/h:768/q:mauto/f:best/ig:avif/https://www.prefektidurres.gov.al/wp-content/uploads/2020/02/ce672be6-79ec-4149-b705-1fe41561972b.jpg)
![](https://mle7m2jb94ox.i.optimole.com/w:1024/h:768/q:eco/f:best/ig:avif/https://www.prefektidurres.gov.al/wp-content/uploads/2020/02/41036c11-0014-480d-9538-a45e7947eee1.jpg)
![](https://mle7m2jb94ox.i.optimole.com/w:1024/h:768/q:eco/f:best/ig:avif/https://www.prefektidurres.gov.al/wp-content/uploads/2020/02/3ad1f3c5-5e62-46d0-a8e5-3dc8eed7f099-1.jpg)
![](https://mle7m2jb94ox.i.optimole.com/w:768/h:1024/q:eco/f:best/ig:avif/https://www.prefektidurres.gov.al/wp-content/uploads/2020/02/590ca98e-14c6-4449-88bd-4f16605dfc41.jpg)
![](https://mle7m2jb94ox.i.optimole.com/w:768/h:1024/q:eco/f:best/ig:avif/https://www.prefektidurres.gov.al/wp-content/uploads/2020/02/d97165a8-bac6-4908-a4c6-84dc5803717b.jpg)
Në kuadër të marrjes së masave për parandalimin e depërtimit dhe përhapjes së sëmundjes virale të Corona-Virus, Prefekti i qarkut Durrës ka kryer ditën e sotme një kontroll pune në lidhje me menaxhimin e integruar që po bëhet në terminalin AFTO të pasgjerëve në Portin e Durrësit prej personelit shëndetësor kundrejt personave që hyjnë në durrës përmes transportit detar.
Konkretisht, prej Prefektit të qarkut z. Roland Nasto dhe Drejtorit të APD Z. Pirro Vengu u inspektua nga afër puna dhe procedurat standarde që kryhen ndaj qytetarëve përpara hyrjes në vendin tonë, me qëllim identifikimin e rasteve të mundshme të prekura nga Corona-Virus.
Personeli shëndetësor i vendosur në këtë pikë është i pajisur me gjithë mjetet e nevojshme si: maska mbrojtëse respiratore, termometra digjital, medikamente, skeda individuale për dokumentimin e çdo personi që kalon në këtë pikë doganore .
Në vijimësi të këtij procesi u inspektuan gjithashtu edhe struktura të tjera si ndërtesa e karantinës e cila ishte paisur me personel dhe dhe të gjithë infrastrukturën e nevojshme për të përballuar çdo rast e situatë emergjente.