Sot në datë 06.03.2019. Në institucionin e Prefektit të Qarkut Durrës nën kujdesin e Prefektit të Qarkut u zhvillua një takim në kuadër të sensibilizimit të komunitetit në drejtim të parandalimit dhe kultivimit të bimëve narkotike për vitin 2019.
Në këtë takim morën pjesë: Zv.Drejtoresha e Përgjithshme e Policisë së Shtetit Zj Aida Hajnaj, Drejtor i Departamentit të Policisë Kriminale Z. Tonin Vocaj, Drejtori i Drejtorisë Vendore të Policisë së Qarkut Durrës Z.Alfred Çepe, përfaqësues nga Drejtoria Vendore e Policisë, përfaqësues nga Institucionet anëtarë të Task-Forcës Vendore Anti Kanabis si dhe përfaqësues nga Bashkitë e Degët Territoriale të Qarkut Durrës .
Në fjalën e tij Prefekti kërkoj bashkëpunim ndërinsitucianal, koordinim dhe intensifikim të informimit nga të gjithë strukturat ligjzbatuese sipas detyrimit, përgjegjësisë dhe teritorit që mbulon secili, me qëllim marjen e masave të duhura në kohë për parandalimin dhe zhdukjen e plotë të këtij fenomeni i cili konsiderohet një ndër prioritetet e qeverisë shqiptare. Sensibilizimi i komuniteti përmes bashkëveprimit të gjithë organeve të administratës shtetërore, Arsimit, Shëndetësisë etj me qëllim që të gjithë të bëhen pjesë e kësaj sfide.
Drejtori i Drejtorisë Vendorë të Policisë prezantoi punën e bërë dhe masat e marra nga strukturat e DVP për parandalimin dhe goditjen e veprimtarisë krimianle të kultivimit të bimëve narkotike, duke permendur si masat sensibilizuese, ashtu edhe masat operacionale.
Zv/Drejtoresha e Përgjithshme e Policisë së Shtetit kërkoi nga të pranishmit të informojnë për të gjitha rastet, të vlerësohet shkëmbimi i informacionit. Zj Hajnaj e ngriti çështjen duke u fokusuar tek përgjegjësitë që duhet të mbajë secili institucion, duke u ndalur që tek Dogana në kontrollet për farat, pesticidet e gjithçka tjetër që nevojitet për kultivimin e kanabisit.
Ndërgjegjesimi dhe sensibilizimi i komunitetit për dëmet që sjell kanabisi është një punë që duhet të bëhet nga të gjithë ku pa dyshim një rol të rendesishëm kanë dhe mediat.
![](https://mle7m2jb94ox.i.optimole.com/w:1024/h:768/q:mauto/f:best/ig:avif/https://www.prefektidurres.gov.al/wp-content/uploads/2019/03/kanabis-2.jpg)
![](https://mle7m2jb94ox.i.optimole.com/w:1024/h:768/q:mauto/f:best/ig:avif/https://www.prefektidurres.gov.al/wp-content/uploads/2019/03/kanabis-3.jpg)
Në fund të këtij takimi, pasi u evidentuan rezultatet e problematikat, u la si detyrë që të punohet me të njëjtin intensitet me qëllim eliminimin e plotë të këtij fenomeni.